| 天一亮, 你可以見到這間SEA ORCHID 的美, 陽光從窗邊透射入來, 興奮的我走近窗邊, 發現天空一片廣闊, 雨後的空氣十分清新, 當我走出房外的平台上, 看見椅子放在兩旁, 相信為了給人可以在這裏看書, 談天, 而旁邊種著花花草草, 為純白色的外墻加上了色彩. 而當我往下一看, 一個可以讓你想馬上跳下去的泳池, 在這個環境中, 我感到RELAX, 感到自由. 
  
我們在出發之前, 在下面食了一個好遊閑的自助早餐. 
之後我們就向著珊瑚島出發了. 
到了沙灘, 我們都抱著興奮的心, 走上載我們去珊瑚島的快艇, 而我們年輕的一班, 當然係走到最前, 去感覺被拋起的刺激.     
我們HIGH 足十分鐘, 到了海中的浮台, 玩今天的第一個活動, 高空降落傘$175, 而我就在這裏認識了一個可愛的女仔, DONGDONG和她的一家人.  
在玩這個game 前, 我好似比gangster kidnap 一樣, 因為那些工作人員怕比太陽曬, 所以用布把自己的面全包住, 而因每次降傘起飛都比較危險, 所以每次都有幾個蒙面的人走過來, 用好重的語氣對你講d唔知點的英文, 而感覺就好似被kidnap 一樣… haha 
而在過程中, 我飛了上去, 不停地在空中轉, 但一刻間, 拉起我的那隻快艇停了, 我的傘因沒有風而慢慢地降下, 最後, 我個人成個都掉到水中, 那艇才加速拉我上去. 好彩身上冇帶甚麼… +_+… 
接著, 我們再坐這支快艇到珊瑚島, 這裏, 我可以看著唔同的水上活動, 不停地有人在玩banana boat 和水上電單車. 這刻, 我己經等不到了… 換上我的戰衣. 等著這一個接一個的水上活動… 第一個活動, 就己經係最貴的那個了, 水底漫步 $375, 加上海地照相要成$450一個人, 本來我話唔玩ga la… 因為太貴la… 好彩, 有issac 這個大豪客在, 他話, 一場來到, 都想去玩下, 咁又冇理由自己一個去, 而最後就請左我去lu…haha… lucky… 而同行的又有兩個女仔…
Wor… 兩男兩女, 一起坐快艇出去個陣, 心情怪怪的, 好似拍戲一樣…       
HA… 在海底我們分面包d魚仔食, 摸左一d唔知咩的海底生物. 可惜的是, 那個海的水唔係太清, 冇我想像咁靚… 但感覺幾好… Hoho, 漫遊完海底之後, 我們就抱著開心的心情去玩這banana boat $75…信帶一提, 因為dongdong 唔識游水, 而唔敢玩, 但她的家人叫我幫她們看著dongdong. 最後, 我們五個人一起上了boat, 不停地在飛, 但可能在坐快艇個陣還要快, 而變相唔係好刺激… 我們總共反了二次船…(到最後, 因為有d ha look野發生, 我算係救左dongdong la :p ) 之後, 在沙灘上拍下了很多合照… J        
接著, 我們就返了酒店, 而我自己覺得在珊瑚島那裏不夠時間游水(因為我玩了很多水上活動), 所以返到酒店, 面對陽光燦爛的景, 我無法不跳入這swimming pool 中…  
  
最後, 那swimming pool 係剩下我一個. 那你可以想像一下,,, 一個晴朗的天空, 一所白白的外墻, 周圍環繞著青綠的植物, 還有一個清得見底的游泳池… 一個人在水中央, 沒有任何碰撞, 沒有指定的方向, 合上你的眼, 閉上你的呼吸, 腦裏一片空白, 全身放鬆, 你可以感受一下隨水飄流, 無處不在的空間… 慢慢, 你會在一片寂靜中聽到流水聲, 風吹動草木的聲音, 再慢慢, 你會感到面上有一絲絲的温暖, 正因太陽伯伯用它温暖的手撫摸著你. 就在這刻, 時間停頓了, 我不知過了幾耐, 直到我再呼吸為止… 我對住天細聲講: “這樣才是渡假啊!” 大約一個小時後, 我們一行人就去了食燕窩$150, 可惜, 我從少到大都未食過咁硬的燕窩. 而在這裏我反而撞到kaai yiu, 我的大學同學們, 原來有好多人都去泰國旅行lor...  
大約一個小時後, 我們一行人就去了massagge. 不過真的可憐, 因為按我的那個人隻手好粗糙. 所以唔係好舒服. 加上比tips 個陣冇散紙, 所以最後給了$25, 但成個massage 都好似是而$40. -_-‘’ 不過, 最後個人都算係relax, 鬆左… 
之後, 我們去一間好似bar 一樣的restaurant 食飯, 那些有成隊band 的equipments, 但只有一個人唱, 真係有衝動上去玩下…haha. 跟住我地食左加了麻子的冬陰功, wa… 成口麻左… 好high ar… 雖然接受唔到, 但我都係飲完又飲.
 
一餐飽飽後他們就話去看人妖show $175, 我這時想, 唉, 之前個日, 看show 買難受, 今次又要看, 唔想去! 但後來在issac力推的情況下進了去. 不過看到的是我expect 的完全不同, 那些人妖是經過長久的練習, 每個表情, 動作, 都力求表現得最美, 加上後面五光十色的背景, 和那個sexy show 冇得比… (可能我都有幾次演musical drama 的經驗, 所以明白要演得這樣是一點也不容易的) 其實可能不是我形容的那麼好看, 但一對比下, 我可以給90分.    
之後, 本來想去看”信不信由你”, 裏面有鬼屋玩等, 但可惜, 在它旁臨時開了一個電單車展, 所以冇人去玩, 而那個”信不信由你”就好早關門了. 這樣, 我們就只好靜靜地回到Sea Orchid. 因為太早的關係, 我和issac 唔知有咩做, 就想下到泳池旁走下lu… 下到去, 見到一個女仔在暗暗的在泳池旁的椅子上, 
靜靜的看著天空, 看真一點, 原來是dongdong. 之後, 我們走了過去, 大家有講有笑,,, 後來, issac 因有電話, 行開了, 而剩下我們兩人, 慢慢, 開始感到有點浪漫…… 
之後, 我同issac 上返去, 大家傾左好多野, 慢慢了解了issac 很多, 而彼此間又多了一些秘密了… haha… nice chat. 最後, 成二三點, 頂唔住la… sleep. 明天預告: 大伙兒會到老虎仔樂園, SIAM PARAGON, 上最泰國最高的BAIYOKE SKY HOTAL 食自助餐. 密切留意OH… |
